ຮອງລັດຖະມົນຕີກະຊວງປ້ອງກັນປະເທດຢ້ຽມຢາມ ລາຊາອານາຈັກໄທ
ໃນລະຫວ່າງວັນທີ 12-14 ມີນາ 2023. ທ່ານ ພົນໂທ ຄຳລຽງ ອຸທະໄກສອນ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການ
ກອງທັບປະຊາຊົນລາວ ພ້ອມດ້ວຍຄະນະຜູ້ແທນການທະຫານຂັ້ນສູງ ກອງທັບປະຊາຊົນລາວ ໄດ້ໄປຢ້ຽມຢາມລາຊະອານາຈັກໄທ ໂດຍຕອບສະໜອງຕາມ
ຄຳ ເຊີນຂອງ ທ່ານ ພົນເອກ ສະເຫຼີມພົນ ສີສະຫວັດ ຜູ້ບັນຊາການທະຫານສູງສຸດແຫ່ງລາຊະອານາຈັກໄທ ເພື່ອເປັນການຮັດແໜ້ນຄວາມສາມັກຄີ
ຖານບ້ານໃກ້ເຮືອນຄຽງທີ່ດີນຳກັນຕະຫຼອດມາ. ພິທີຕ້ອນຮັບຢ່າງເປັນທາງການໄດ້ຈັດຂຶ້ນໃນວັນທີ 13 ມີນາ 2023 ທີ່ກອງບັນຊາການກອງທັບໄທ ໂດຍ
ການຕ້ອນຮັບຂອງການນຳຂັ້ນສູງຂອງກອງທັບລາຊະອານາຈັກໄທ. ຈາກນັ້ນຄະນະຜູ້ແທນທັງສອງຝ່າຍກໍໄດ້ພົບປະກັນຢ່າງເປັນທາງການ.
ໂອກາດນີ້ ທ່ານ ພົນໂທ ຄຳລຽງ ອຸທະໄກສອນ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການກອງທັບປະຊາຊົນລາວໄດ້ສະ ແດງຄວາມຂອບໃຈຢ່າງສູງຕໍ່ ທ່ານ ພົນເອກ ສະເຫຼີມພົນ ສີສະຫວັດ ຜູ້ບັນຊາການທະຫານສູງສຸດແຫ່ງລາຊະອານາຈັກໄທ ພ້ອມດ້ວຍຄະນະທີ່ໄດ້ໃຫ້ກຽດ ຕ້ອນ ຮັບໃນການເດີນທາງມາຢ້ຽມຢາມ ແລະ ພົບປະຂອງທັ້ງສອງຝ່າຍຢ່າງເປັນທາງການໃນຄັ້ງນີ້. ເພື່ອແລກປ່ຽນຄຳຄິດຄຳເຫັນບັນຫາທີ່ມີຄວາມສົນໃຈ ຮ່ວມກັນ, ໂດຍສະເພາະແມ່ນການຮ່ວມມືໃນຂົງເຂດວຽກງານປ້ອງ ກັນຊາດ-ປ້ອງກັນຄວາມສະຫງົບ ເຮັດໃຫ້ເສັ້ນຊາຍແດນຂອງສອງປະເທດກາຍເປັນ ເສັ້ນຊາຍແດນແຫ່ງ ສັນຕິພາບ, ມິດຕະພາບ ແລະ ການພັດທະນາຢ່າງແທ້. ກອງປະຊຸມຄັ້ງນີ້ ທັງສອງຝ່າຍໄດ້ພ້ອມກັນປຶກສາຫາລືວຽກງານດ້ານຕ່າງໆທີ່ ໄດ້ຮ່ວມມືກັນຈັດຕັ້ງປະຕິບັດໃນໄລຍະຜ່ານມາ ແລະ ບັນຫາອື່ນໆ ທີ່ສອງຝ່າຍມີຄວາມສົນໃຈ ແລະ ເຫັນດີເປັນເອກະພາບຮ່ວມກັນ ໃນການພົວພັນ ຮ່ວມມືຊ່ວຍເຫຼືອເຊິ່ງກັນ ແລະ ກັນ ຖານບ້ານໃກ້ເຮືອນຄຽງທີ່ດີງາມລະຫວ່າງສອງຊາດ ກໍຄືສອງກອງທັບລາວ-ໄທ ໄທ-ລາວ ໃຫ້ມີຄວາມໜັກແໜ້ນຂຶ້ນ ກວ່າເກົ່າ ໂດຍສະເພາະການຮ່ວມ ມືຂອງຄະນະກຳມະການ ຮ່ວມມືຮັກສາຄວາມສະຫງົບຮຽບຮ້ອຍຕາມແນວຊາຍແດນ ລາວ-ໄທ ສ້າງໃຫ້ສະພາບໃນ ຂອບເຂດເສັ້ນຊາຍແດນມີຄວາມສະຫງົບສຸກໂດຍພື້ນຖານ.
ນອກຈາກນັ້ນ, ສອງຝ່າຍຍັງເຫັນດີເປັນເອກະພາບສືບຕໍ່ຮ່ວມມືຊ່ວຍເຫຼືອດ້ານມະນຸດສະທຳ, ການຕ້ານໄພພິບັດທາງທຳມະຊາດ, ແລກປ່ຽນດ້ານການ ແພດ, ສິລະປະວັດທະນະທຳ ແລະ ກີລາ ລວມທັງບັນຫາອື່ນໆ ທີ່ສອງຝ່າຍໄດ້ສ້າງກົນໄກຮ່ວມກັນຕື່ມອີກ.
ແຫຼ່ງທີ່ມາ:ທອງມາ ໄຊຍະເພັງສາ
ວັນທີ 17/03/2023